མཛད་སྒོ།

|| • ༢༠༢༣ བསླབ་པ་མཐར་སོན་གྱི་མཛད་སྒོ།  བོད་རྒྱལ་ལོ་ ༢༡༥༠ བོད་ཟླ་ ༢ ཚེས་ ༡༦ གཟའ་སྐར་འཕྲོད་སྦྱོར་དགེ་བའི་ཉིན་མོར་འདི་ག་འཕགས་ཡུལ་བཀྲ་ཤིས་ལྗོངས་ཁམས་སྒར་འབྲུག་མཐོ་སློབ་དྷརྨ་ཀཱ་རའི་གཙུག་ལག་སློབ་གཉེར་ཁང་དུ། ཕྱི་ལོ་ ༢༠༢༢ ལོའི་བཤད་གྲྭའི་བསླབ་པ་མཐར་སོན་པ་རྣམས་ལ་སློབ་ཐོན་པའི་ཕྱག་ཁྱེར་དང་། ཕར་ཕྱིན་རབ་འབྱམས་པ་རྣམས་ལ་ཕར་ཕྱིན་རབ་འབྱམས་པའི་ཕྱག་ཁྱེར། བཤད་གྲྭ་དང་བཤད་གྲྭའི་གཞི་རིམ་སློབ་གྲྭའི་ལོ་སྔོན་མའི་རྒྱུགས་འབྲས་ཨང་རིམ་རྩེར་སོན་རྣམས་ལ་ལེགས་གསོལ་བྱ་དགའ་དང་། སྐབས་གཉིས་པའི་འཛིན་སྐྱོང་ལྷན་ཚོགས་ཀྱི་རྒྱུན་ལས་དང་། ཚོགས་མི་གསར་པ་རྣམས་ལ་ལེགས་དར་འབུལ་རྒྱུ་བཅས་ཀྱི་མཛད་སྒོ་སྟབས་བདེ་ཞིག་ཚོགས་ཡོད། དེའང་སྔ་དྲོའི་ཕྱག་ཚོད་ ༡༠ …

ཧོར་ཟླ་བདུན་པའི་ཚེས་བཅོ་ལྔ་ལ་ཀུན་མཁྱེན་རྫོགས་པའི་སངས་རྒྱས་མི་ཕམ་པད་མ་དཀར་པོ་དགོངས་པ་ཆོས་དབྱིངས་སུ་མཉམ་པར་བཞག་པའི་རྗེས་དྲན་གྱི་ཚུལ་དུ། དེ་རིང་ཁམས་སྒར་འབྲུག་མཐོ་སློབ་དྷརྨ་ཀཱ་རའི་མཁན་སློབ་དང་། བཙུན་དགོན་དོན་བརྒྱུད་དགའ་ཚལ་གླིང་གི་མཁན་སློབ་མཉམ་བཞུགས་འོག་སྔ་དྲོའི་ཆར་གཞུང་ཆེན་ལྔའི་བགྲོ་གླེང་དང་། ཕྱི་དྲོའི་ཆར་དམ་བཅའ་ཆེན་མོ་ཚོགས་པའི་པར་བརྙན།

བྱེས་ཀྱི་གདན་ས་ཁམས་པ་སྒར་གྱི་སྐབས་བདུན་པའི་མཁན་པོར་མངའ་གསོལ་བའི་ལུང་རིགས་སྨྲ་བའི་དགེ་བའི་བཤེས་གཉེན་རྣམས་ཀྱི་ལོ་རྒྱུས་མདོར་བསྡུས་ནི།   མཁན་པོ་ཐུབ་བསྟན་དགེ་ལེགས་ནི། ཕྱི་ལོ་ ༡༩༩༦ ལོ་ནས་ ༢༠༡༦ བར་གདན་ས་ཁམས་པ་སྒར་གྱི་བཤད་གྲྭ་དང་། གསེར་ཐང་ལྔ་རིག་ནང་བསྟན་སློབ་གླིང་། འཕགས་ཡུལ་སེར་བྱེས་མཁས་སྙན་གྲྭ་ཚང་བཅས་སུ་མདོ་སྔགས་རིག་གནས་དང་བཅས་པར་གསན་བསམ་སློབ་གཉེར་རྒྱ་ཆེར་གནང་ཞིང་། ཕྱི་ལོ་ ༢༠༡༧ ལོ་ནས་ཕྱི་ལོ་ ༢༠༢༢ ལོའི་བར་དུ་འདི་ག་འཕགས་ཡུལ་བཀྲ་ཤིས་ལྗོངས་ཁམས་སྒར་འབྲུག་མཐོ་སློབ་དྷརྨ་ཀཱ་རར་གཞུང་ཆེན་ཁག་དང་དེ་འབྲེལ་རིག་གནས་བཅས་པར་སློབ་ཁྲིད་གནང་བ་མ་ཟད། ལོ་ངོ་གསུམ་གྱི་རིང་དུ་ཤེས་ཡོན་འགན་འཛིན་པའི་ཐུགས་འགན་བཞེས་ཡོད།         …

དེ་རིང་སྟེ། རབ་གནས་ལྕགས་གླང་ལོའི་མཆུ་ཟླ་བའི་ཚེས་ ༢༡ ཉིན་མོ་ནི། དྭགས་བརྒྱུད་སྙིང་པོ་དོན་བརྒྱུད་དཔལ་ལྡན་འབྲུག་པའི་བསྟན་པའི་སྲོག་ཤིང་ཆེན་མོ་ ༧ དཔལ་རྒྱལ་བ་མདོ་ཁམས་དགུ་པ་ངེས་དོན་བཤད་སྒྲུབ་ཉི་མ་མཆོག་གི་རིགས་ཀྱི་བདག་པོ་ ༧ སྐྱབས་རྗེ་བདེ་བར་གཤེགས་པར་གྲུབ་དབང་རྡོ་རྫོང་བརྒྱད་པ་དཔལ་ལྡན་དོན་བརྒྱུད་བསྟན་འཛིན་རིན་པོ་ཆེ་མཆོག་གཟུགས་སྐུའི་བཀོད་པ་ཆོས་དབྱིངས་སུ་བསྡུས་ནས་བགྲང་བྱ་ཧྲིལ་པོ་ལྔ་འཁོར་བའི་ཉིན་མོ་ཡིན་པས། འདི་ག་འཕགས་ཡུལ་བཀྲ་ཤིས་ལྗོངས་ཁམས་སྒར་འབྲུག་མཐོ་སློབ་དྷརྨ་ཀཱ་རའི་གཙུག་ལག་སློབ་གཉེར་ཁང་དུ། དགུན་དུས་ཀྱི་གུང་སེང་དུ་མ་ཕེབས་མཁན་གྱི་མཁན་སློབ་དགེ་བའི་བཤེས་གཉེན་རྣམས་གཙོས་པའི་འདུས་མང་ཡོངས་ཀྱིས་རྒྱལ་བ་མི་འཁྲུགས་པའི་ཆོ་ག་དང་། བླ་མ་མཆོད་པའི་ཆོ་གའི་སྒོ་ནས་དགོངས་རྫོགས་དང་འབྲེལ་བའི་མཆོད་འབུལ་སྨོན་ལམ་འཚོགས་ཡོད། ༧སྐྱབས་རྗེ་རྡོ་རྫོང་རིན་པོ་ཆེ་ཞིང་གཤེགས་དམ་པ་གང་ཉིད་བདག་སོགས་ལྟོས་བཅས་གདུལ་བྱ་རྣམས་ཀྱི་མགོན་དུ་ཡང་སྲིད་འཁྲུལ་བྲལ་མགྱོགས་མྱུར་བར་ཕེབས་ཏེ་གོང་མའི་རྣམ་ཐར་བདག་གིར་བཞེས་པའི་གསོལ་འདེབས་སྨོན་ལམ་ཡང་ཡང་ཞུའོ། །

བོད་ཟླ་ ༡༡ པའི་བོད་ཚེས་ ༡༨ ཉིན། དྭགས་བརྒྱུད་སྙིང་པོ་དོན་བརྒྱུད་དཔལ་ལྡན་འབྲུག་པའི་བསྟན་པའི་སྲོག་ཤིང་ཆེན་པོར་གྱུར་པ། ༧ དཔལ་རྒྱལ་བ་མདོ་ཁམས་བརྒྱད་པ་བསྐལ་བཟང་དོན་བརྒྱུད་ཉི་མ་མཆོག་གི་དགོངས་རྫོགས་མཆོད་འབུལ་ལ་ཁེལ་ཡོད་པ་ལྟར། མདོ་ཁམས་དོན་བརྒྱུད་དཔལ་ལྡན་འབྲུག་པའི་བྱེས་ཀྱི་གདན་ས་ཆེན་མོ་འཕགས་ཡུལ་བྱང་ཕྱོགས་བཀྲ་ཤིས་ལྗོངས་སུ། གྲྭ་ཚང་དང་བཤད་གྲྭའི་བླ་སྤྲུལ་རྟོགས་ལྡན་མཁན་སློབ་རྣམ་པ་དབུ་བཞུགས་ཀྱིས། འཕགས་ཚོགས་འདུས་མང་ཡོངས་ནས་༧ སྐྱབས་རྗེ་བདེ་བར་གཤེགས་པ་ཁོང་གི་དགོངས་རྫོགས་མཆོད་འབུལ་སྔར་རྒྱུན་བཞིན་ཚོགས་གནང་ཡོད། །

བོད་རྒྱལ་ལོ་༢༡༤༩ རབ་གནས་ཆུ་སྟག་ལོའི་བོད་ཟླ་དང་པོའི ཚེས་ ༢༨ དང་། ཕྱི་ལོ་ ༢༠༢༢། ༣། ༣༠ གཟའ་སྐར་འཕྲོད་སྦྱོར་དགེ་བའི་ཉིན། འདི་ག་འཕགས་ཡུལ་བཀྲ་ཤིས་ལྗོངས་ཁམས་སྒར་འབྲུག་མཐོ་སློབ་དྷརྨ་ཀཱ་རའི་གཙུག་ལག་སློབ་གཉེར་ཁང་དུ། གུས་རྟག་སྦྱོར་བའི་བརྩོན་པ་ལྷུར་བཞེས་པས་གཞུང་ཆེན་བཀའ་པོད་ལྔ་སོགས་ལ་གསན་སྦྱངས་མཐའ་རྒྱ་བཅད་པའི་བཤད་གྲྭའི་སློབ་གཉེར་བ་ཁག་ལ་སྔར་སྲོལ་བཞིན་ཕྱི་ལོ་ ༢༠༢༡ ལོའི་བསླབ་པ་མཐར་སོན་པའི་ཕྱག་འཁྱེར་གནང་བ་དང་། བསྡུས་གྲྭ་བློ་རྟགས་ནས་ཕར་ཕྱིན་ལོ་རིམ་གསུམ་བར་རིགས་ལམ་བརྒལ་བརྟག་གི་སྒོ་ནས་སྦྱང་བརྩོན་དཔྱིས་ཕྱིན་པ་གནང་བའི་སློབ་གཉེར་བ་ཁག་གཅིག་ལ་ཕར་ཕྱིར་རབ་འབྱམས་པའི་ཕྱག་འཁྱེར་གནང་བ་དང་། སློབ་གཉེེར་བ་རྩེ་ཕུད་ཁག་ཅིག་ལ་སྐྱོར་དཔོན་གྱི་མཚན་གནས་ཕུལ་བ། དེ་བཞིན་བཤད་གྲྭའི་གཞི་རིམ་སློབ་གྲྭའི་འཛིན་གྲྭ་བརྒྱད་པ་ཐོན་མཁན་རྣམས་ལ་གཞི་རིམ་སློབ་ཐོན་པའི་ཕྱག་འཁྱེར་གནང་བ་དང་། བཤད་གྲྭའི་སློབ་གཉེར་བ་རྒྱུགས་འབྲས་རྩེར་སོན་རྣམས་དང་། བཤད་གྲྭའི་གཞི་རིམ་སློབ་གྲྭའི་ལོ་སྔོན་མའི་རྒྱུགས་འབྲས་ཨང་རིམ་རྩེར་སོན་རྣམས་ལ་ལེགས་གསོལ་བྱ་དགའ་འབུལ་རྒྱུ་བཅས་ཀྱི་མཛད་སྒོ་སྟབས་བདེ་ཞིག་ཚོགས་གནང་ཡོད།དེའང་སྔ་དྲོའི་ཕྱག་ཚོད་ ༡༠ …

བོད་ཟླ་དྲུག་པའི་ཚེས་བཞི་ནི་བདག་ཅག་གི་སྟོན་པ་མཉམ་མེད་ཐུབ་པའི་དབང་པོ་མཆོག་གིས། ཡུལ་ཝ་ར་ན་སིའི་དྲང་སྲོང་ལྷུང་བ་རི་དྭགས་ཀྱི་ནགས་སུ་འཁོར་ལྔ་སྡེ་བཟང་པོ་ལ་བཀའ་དང་པོ་བདེན་བཞི་ཆོས་འཁོར་བསྐོར་བའི་དུས་ཆེན་ཁྱད་པར་ཅན་ཡིན་གཤིས། འདི་ག་འཕགས་ཡུལ་ཁམས་སྒར་འབྲུག་མཐོ་སློབ་དྷརྨ་ཀཱ་རའི་མཁན་སློབ་རྣམ་པས་གནས་བརྟན་ཕྱག་མཆོད་ཀྱི་ཆོ་ག་གསུངས་ཤིང་། དུས་བཟང་དང་འབྲེལ་འཛིན་གྲྭ་བདུན་པ་ཕར་ཕྱིན་ལོ་རིམ་གསུམ་པའི་སློབ་གཉེར་བའི་ཁོངས་ནས། ཀུན་མཁྱེན་ཆེན་པོ་མི་ཕམ་པདྨ་དཀར་པོ་མཆོག་གིས་མཛད་པའི་གཞུང་མཆོག་“ཆོས་འཁོར་དོགས་གཅོད་རྩ་འགྲེལ་”གྱི་ཐོག་ནས་ལུང་རིགས་ཀྱིས་བརྒལ་བརྟག་མཛད་པ་དང་། སྟོན་པའི་རྣམ་ཐར་དང་འབྲེལ་བའི་ཆོས་བཤད། སྟོན་པའི་སྐུ་གསུང་ཐུགས་ཀྱི་ཆེ་བ་བརྗོད་པའི་སྙན་རྩོམ་ཁག་ལྗགས་ཀློག་གནང་བ་སོགས་ཀྱིས། འདི་ལོའི་ཆོས་འཁོར་དུས་ཆེན་ཡུལ་དུས་གནས་བབ་དང་བསྟུན་ནས་སྟབས་བདེའི་ངང་སྲུང་བརྩི་ཞུས་པ་ལགས་སོ།།

བོད་ཟླ་༡༡ ཚེས་༡༨ ཉིན་གྱི་དགོང་དྲོར་བྱེས་ཀྱི་གདན་ས་བཀྲ་ཤིས་ལྗོངས་ཁམས་པ་སྒར་སྐུ་གདུང་མཆོད་རྟེན་རིན་པོ་ཆེའི་མདུན་དུ། ཁམས་པ་སྒར་གྱི་གྲྭ་ཚང་དང་བཤད་གྲྭ བཙུན་དགོན་དོན་བརྒྱུད་དགའ་ཚལ་གླིང་བཅས་ཀྱི་དགེ་འདུན་རྣམ་པ་དང་། གཉུག་མར་གནས་པའི་བཀྲ་ཤིས་ལྗོངས་ཀྱི་མི་མང་རྣམས། དེ་བཞིན་གློ་བུར་ལྷགས་པའི་ཁུ་ནུ་སྟོད་སྨད་ནས་ཕེབས་པའི་དད་ལྡན་རྣམས་བཅས། སེར་སྐྱ་མི་མང་བརྒྱ་ཕྲག་འགའ་ཤས་འདུས་འཛོམས་ཀྱི་ཐོག ༸སྐྱབས་རྗེ་འཁོར་ལོ་མགོན་པོ་བདེ་བར་གཤེགས་པ་༸རྒྱལ་བ་མདོ་ཁམས་པ་བསྐལ་བཟང་དོན་བརྒྱུད་ཉི་མ་རིན་པོ་ཆེ་མཆོག་གི་དགོངས་རྫོགས་མཆོད་འབུལ་ཟབ་རྒྱས་ཤིག་ཚོགས་པའི་བརྙན་རིས།      

བོད་ཟླ་༡༡ ཚེས་༡༨ ཉིན་གྱི་དགོང་དྲོར་བྱེས་ཀྱི་གདན་ས་བཀྲ་ཤིས་ལྗོངས་ཁམས་པ་སྒར་སྐུ་གདུང་མཆོད་རྟེན་རིན་པོ་ཆེའི་མདུན་དུ། ཁམས་པ་སྒར་གྱི་གྲྭ་ཚང་དང་བཤད་གྲྭ བཙུན་དགོན་དོན་བརྒྱུད་དགའ་ཚལ་གླིང་བཅས་ཀྱི་དགེ་འདུན་རྣམ་པ་དང་། གཉུག་མར་གནས་པའི་བཀྲ་ཤིས་ལྗོངས་ཀྱི་མི་མང་རྣམས། དེ་བཞིན་གློ་བུར་ལྷགས་པའི་ཁུ་ནུ་སྟོད་སྨད་ནས་ཕེབས་པའི་དད་ལྡན་རྣམས་བཅས། སེར་སྐྱ་མི་མང་བརྒྱ་ཕྲག་འགའ་ཤས་འདུས་འཛོམས་ཀྱི་ཐོག ༸སྐྱབས་རྗེ་འཁོར་ལོ་མགོན་པོ་བདེ་བར་གཤེགས་པ་༸རྒྱལ་བ་མདོ་ཁམས་པ་བསྐལ་བཟང་དོན་བརྒྱུད་ཉི་མ་རིན་པོ་ཆེ་མཆོག་གི་དགོངས་རྫོགས་མཆོད་འབུལ་ཟབ་རྒྱས་ཤིག་ཚོགས་པའི་བརྙན་རིས།