དབྱར་གནས། ༢༠༢༣

༡༽དབྱར་གནས་མ་བྱས་པའི་ཉེས་པ་ཁེགས་པ་དང་།

༢༽དབྱར་ས་གཞི་ལ་སྲོག་ཆགས་ཕྲ་མོ་མང་དུ་རྒྱུ་བའི་དུས་སུ་འགྲོ་འདུག་མང་པོ་བྱས་ཏེ་སྲོག་ཆགས་ལ་གནོད་པས་སྲོག་ཆགས་ལ་གནོད་པ་སྤོང་བ་དང༌།

༣༽གླེང་གཞི་ལས་འབྱུང་བ་ལྟར་མུ་སྟེགས་ཅན་སོགས་གཞན་མ་དད་པ་དག་གིས་འཕྱ་བ་སྤོང་བ་དང༌།

༤༽དབྱར་ཆར་ཆུ་རྒྱས་པའི་དུས་སུ་རྒྱུ་འགྲུལ་མང་པོ་བྱས་ན་རང་གི་ལུས་སྲོག་ལ་གནོད་པ་འབྱུང་ཉེན་ཆེ་བ་ལུས་སྲོག་ལ་གནོད་པ་སྤོང་བ་དང༌།

༥༽དོན་དང་བྱ་བ་མང་པོ་སྤངས་ནས་དོན་ཉུང་ཞིང་བྱ་བ་ཉུང་ངུས་དབྱར་གནས་པར་བྱ་བ་དང༌།

༧༽དབྱར་གྱི་དུས་སུ་གནས་ཁང་དོར་ཏེ་ཐག་རིང་པོར་ཕྱིན་ན་གནས་ཁང་རལ་བ་དང་གྲུམས་པ་སོགས་ཀྱི་སྒོ་ནས་ཆུད་ཟ་བར་འགྱུར་བས། གནས་རལ་བ་དང་གྲུམས་པ་འཆོས་པར་འགྱུར་པ་དང༌།

༨༽དབྱར་གནས་ལ་བརྟེན་ནས་དགག་དབྱེ་དང་སྲ་བརྐྱང་འབྱུང་བ་སོགས་ཕན་ཡོན་ཤིན་ཏུ་མང་ངོ༌།།

• དེ་ཡང་དབྱར་ཁྲིམས་སུ་བྱ་བ་ནི། •

དགེ་སྦྱོང་གི་ཆོས་བཞི་ལས་མི་འདའ་བར་བྱ་བ་འདི་དང༌། ཆོས་སྤྱོད་བཅུའི་བྱ་བ་ལ་བརྩོན་པས་བསླབ་པར་བྱ་བ་འདི་དང༌། དབྱར་དགེ་འདུན་གྱི་ནང་དུ་འཁྲུག་ལོང་མི་བསྐྱེད་པར་བྱ་བ་འདི་དང༌། ལྟུང་བ་གླེང་དྲན་མི་བྱ་བ་དང༌། དབྱར་ནང་དུ་ནན་ཏུར་བྱེད་པ་སྤང་བ་དང༌། དབྱར་ཚུལ་རལ་བ་སྤང་བ་དང༌། ཚུལ་ནང་དུ་རྙེད་པ་བགོད་པ་སྤང་བ་དང༌། བྱིན་གྱིས་མ་བརླབས་པར་མཚམས་ཀྱི་ཕྱི་རོལ་ཏུ་སྐྱ་རེངས་འཆར་བར་མི་བྱ་བ་སོགས་དབྱར་ཁྲིམས་ལ་ཚུལ་བཞིན་དུ་གནས་དགོས་པ་བཅས་སོ།