གཙོ་ངོས། / གཟིགས་སྐོར། / ༧ སྐྱབས་རྗེ་བདེ་བར་གཤེགས་པར་གྲུབ་དབང་རྡོ་རྫོང་བརྒྱད་པའི་འདས་མཆོད།

༧ སྐྱབས་རྗེ་བདེ་བར་གཤེགས་པར་གྲུབ་དབང་རྡོ་རྫོང་བརྒྱད་པའི་འདས་མཆོད།

དེ་རིང་སྟེ། རབ་གནས་ལྕགས་གླང་ལོའི་མཆུ་ཟླ་བའི་ཚེས་ ༢༡ ཉིན་མོ་ནི། དྭགས་བརྒྱུད་སྙིང་པོ་དོན་བརྒྱུད་དཔལ་ལྡན་འབྲུག་པའི་བསྟན་པའི་སྲོག་ཤིང་ཆེན་མོ་ ༧ དཔལ་རྒྱལ་བ་མདོ་ཁམས་དགུ་པ་ངེས་དོན་བཤད་སྒྲུབ་ཉི་མ་མཆོག་གི་རིགས་ཀྱི་བདག་པོ་ ༧ སྐྱབས་རྗེ་བདེ་བར་གཤེགས་པར་གྲུབ་དབང་རྡོ་རྫོང་བརྒྱད་པ་དཔལ་ལྡན་དོན་བརྒྱུད་བསྟན་འཛིན་རིན་པོ་ཆེ་མཆོག་གཟུགས་སྐུའི་བཀོད་པ་ཆོས་དབྱིངས་སུ་བསྡུས་ནས་བགྲང་བྱ་ཧྲིལ་པོ་ལྔ་འཁོར་བའི་ཉིན་མོ་ཡིན་པས།
འདི་ག་འཕགས་ཡུལ་བཀྲ་ཤིས་ལྗོངས་ཁམས་སྒར་འབྲུག་མཐོ་སློབ་དྷརྨ་ཀཱ་རའི་གཙུག་ལག་སློབ་གཉེར་ཁང་དུ། དགུན་དུས་ཀྱི་གུང་སེང་དུ་མ་ཕེབས་མཁན་གྱི་མཁན་སློབ་དགེ་བའི་བཤེས་གཉེན་རྣམས་གཙོས་པའི་འདུས་མང་ཡོངས་ཀྱིས་རྒྱལ་བ་མི་འཁྲུགས་པའི་ཆོ་ག་དང་། བླ་མ་མཆོད་པའི་ཆོ་གའི་སྒོ་ནས་དགོངས་རྫོགས་དང་འབྲེལ་བའི་མཆོད་འབུལ་སྨོན་ལམ་འཚོགས་ཡོད།
༧སྐྱབས་རྗེ་རྡོ་རྫོང་རིན་པོ་ཆེ་ཞིང་གཤེགས་དམ་པ་གང་ཉིད་བདག་སོགས་ལྟོས་བཅས་གདུལ་བྱ་རྣམས་ཀྱི་མགོན་དུ་ཡང་སྲིད་འཁྲུལ་བྲལ་མགྱོགས་མྱུར་བར་ཕེབས་ཏེ་གོང་མའི་རྣམ་ཐར་བདག་གིར་བཞེས་པའི་གསོལ་འདེབས་སྨོན་ལམ་ཡང་ཡང་ཞུའོ། །

Check Also

༢༠༢༢ ལོའི་ལོ་ཕྱེད་ཡིག་རྒྱུགས།

བོད་རྒྱལ་ལོ་ ༢༡༤༩ ལོའི་བོད་ཟླ་ ༦ པའི་ཚེས་༡༢ དང་། སྤྱི་ལོ་2022སྤྱི་ཟླ་ 08 སྤྱི་ཚེས་09 ཉིན་འདི་ག་འཕགས་ཡུལ་ཁམས་སྒར་འབྲུག་མཐོ་སློབ་དྷརྨ་ཀཱ་རའི་གཙུག་ལག་སློབ་གཉེར་ཁང་གི་ལོ་ཕྱེད་ཡིག་རྒྱུགས་ལ་ཁེལ་བས། འཛིན་གྲྭ་ཁག་གི་ཟུར་སྦྱོང་ཐུན་མོང་རིག་གནས་དང་། དབྱིན་ཡིག་གི་རྒྱུགས་སྤྲོད་ཉེ་སྔོན་གྲུབ་ནས། དེ་རིང་དངོས་གཞི་གཞུང་ཆེན་སོ་སོའི་ལོ་ཕྱེད་རྒྱུགས་སྤྲོད་གནང་ཡོད།

Leave a Reply

Your email address will not be published. Required fields are marked *

Show Buttons
Hide Buttons