གདན་ས་ཁམས་པ་སྒར་འབྲུག་མཐོ་སློབ་དྷརྨ་ཀཱ་ར།
ལོ་འདི་ལ་ཏོག་དབྱིབས་ནད་ཡམས་ཀྱིས་རྐྱེན་པས། མཁན་སློབ་ཁག་གཅིག་དང་སློབ་གཉེར་བ་མང་དག་ཅིག་གུང་སེང་ནས་འཛོམས་ཐུབ་མེད་ཅིང་། རྒྱ་གར་དབུས་དང་ས་གནས་མངའ་སྡེ་གཞུང་གིས་ནད་ཡམས་སྔོན་འགོག་ཆེད་དུ་ཁྱིམ་སྡོད་བཀའ་རྒྱ་དང་། རྒྱང་སྡོད་སོགས་ཀྱི་ལམ་སྟོན་གནང་བ་ལྟར། ཕྱི་ནང་རྒྱུ་འགྲུལ་མེད་པར་ལྷིང་འཇགས་ངང་རྩ་བའི་འཛིན་གྲྭ་བཅུ་གཉིས་ནང་ནས་འཛིན་གྲྭ་དང་པོ་བསྡུས་གྲྭ་དང་། གཉིས་པ་བློ་རྟགས། གསུམ་པ་ཚད་མ་ལོ་རིམ་དང་པོ། བཞི་པ་ཚད་མ་ལོ་རིམ་གཉིས་པ། ལྔ་པ་ཕར་ཕྱིན་ལོ་རིམ་དང་པོ། དྲུག་པ་ཕར་ཕྱིན་ལོ་རིམ་གཉིས་པ། བདུན་པ་ཕར་ཕྱིན་ལོ་རིམ་གསུམ་པ། བརྒྱད་པ་དབུ་མ་ལོ་རིམ་དང་པོ། བཅུ་གཅིག་པ་མཛོད་ལོ་རིམ་དང་པོ་བཅས་འཚོགས་ཐུབ་པ་བྱུང་སོང་།།
