རྗེས། སྔོན།
རྗེས། སྔོན།

བོད་རྒྱལ་ལོ་ ༢༡༤༨ ལོའི་བོད་ཟླ་ ༦ པའི་ཚེས་༡༡ དང་། སྤྱི་ལོ་2021སྤྱི་ཟླ་ 07 སྤྱི་ཚེས་20 ཉིན་འདི་ག་འཕགས་ཡུལ་ཁམས་སྒར་འབྲུག་མཐོ་སློབ་དྷརྨ་ཀཱ་རའི་གཙུག་ལག་སློབ་གཉེར་ཁང་གི་ལོ་ཕྱེད་ཡིག་རྒྱུགས་ལ་ཁེལ་བས། འཛིན་གྲྭ་ཁག་གི་ཟུར་སྦྱོང་ཐུན་མོང་རིག་གནས་དང་། དབྱིན་ཡིག་གི་རྒྱུགས་སྤྲོད་ཉེ་སྔོན་གྲུབ་ནས། དེ་རིང་དངོས་གཞི་གཞུང་ཆེན་སོ་སོའི་ལོ་ཕྱེད་རྒྱུགས་སྤྲོད་གནང་ཡོད།
ལོ་འདི་ལ་ཡང་ཏོག་དབྱིབས་ནད་ཡམས་ཀྱིས་རྐྱེན་པས་རྒྱ་གར་དབུས་དང་། ས་གནས་མངའ་སྡེ་གཞུང་གིས་ནད་ཡམས་སྔོན་འགོག་ཆེད་དུ་ཁྱིམ་སྡོད་བཀའ་རྒྱ་སོགས་རིམ་པར་བྱུང་ཡང་། འདི་ག་སློབ་གླིང་གི་བསླབ་པ་སློབ་གཉེར་མཐུས་ཤོར་མེད་པར། ཕྱི་ནང་རྒྱུ་འགྲུལ་ཉུང་ལྷིང་འཇགས་ངང་རྩ་བའི་འཛིན་གྲྭ་བཅུ་གཉིས་དང་། སློབ་ཐོན་པ་དང་དགེ་རྒན་རྣམ་པས་སྔགས་ཕྱོགས་འཆད་ཉན་བཅས་གང་འཚམས་ཚགས་ཚུད་མཛད་ཡོད།
འདི་ལོར་འཛིན་གྲྭ་དང་པོ་བསྡུས་གྲྭ་དང་། གཉིས་པ་བློ་རྟགས། གསུམ་པ་ཚད་མ་ལོ་རིམ་དང་པོ། བཞི་པ་ཚད་མ་ལོ་རིམ་གཉིས་པ། ལྔ་པ་ཕར་ཕྱིན་ལོ་རིམ་དང་པོ། དྲུག་པ་ཕར་ཕྱིན་ལོ་རིམ་གཉིས་པ། བདུན་པ་ཕར་ཕྱིན་ལོ་རིམ་གསུམ་པ། བརྒྱད་པ་དབུ་མ་ལོ་རིམ་དང་པོ། དགུ་པ་དབུ་བ་ལོ་རིམ་གཉིས་པ། བཅུ་གཉིས་པ་མཛོད་ལོ་རིམ་གཉིས་པ་བཅས་ཀྱིས་ཚོགས་ཆོས་སློབ་གཉེར་དང་། རང་སྦྱོང་སོགས་མཐུས་ཤོར་མེད་པ་བྱུང་སྟེ། དེ་རིང་ལོ་ཕྱེད་རྒྱུགས་སྤྲོད་གཏོང་བཞིན་ཡོད། །

Check Also

ཕྱི་ལོ་༢༠༢༡ ལོའི་བཤད་གྲྭའི་བསླབ་པ་མཐར་སོན་རྣམས་ཀྱི་མཛད་སྒོ།

བོད་རྒྱལ་ལོ་༢༡༤༩ རབ་གནས་ཆུ་སྟག་ལོའི་བོད་ཟླ་དང་པོའི ཚེས་ ༢༨ དང་། ཕྱི་ལོ་ ༢༠༢༢། ༣། ༣༠ གཟའ་སྐར་འཕྲོད་སྦྱོར་དགེ་བའི་ཉིན། འདི་ག་འཕགས་ཡུལ་བཀྲ་ཤིས་ལྗོངས་ཁམས་སྒར་འབྲུག་མཐོ་སློབ་དྷརྨ་ཀཱ་རའི་གཙུག་ལག་སློབ་གཉེར་ཁང་དུ། གུས་རྟག་སྦྱོར་བའི་བརྩོན་པ་ལྷུར་བཞེས་པས་གཞུང་ཆེན་བཀའ་པོད་ལྔ་སོགས་ལ་གསན་སྦྱངས་མཐའ་རྒྱ་བཅད་པའི་བཤད་གྲྭའི་སློབ་གཉེར་བ་ཁག་ལ་སྔར་སྲོལ་བཞིན་ཕྱི་ལོ་ ༢༠༢༡ ལོའི་བསླབ་པ་མཐར་སོན་པའི་ཕྱག་འཁྱེར་གནང་བ་དང་། བསྡུས་གྲྭ་བློ་རྟགས་ནས་ཕར་ཕྱིན་ལོ་རིམ་གསུམ་བར་རིགས་ལམ་བརྒལ་བརྟག་གི་སྒོ་ནས་སྦྱང་བརྩོན་དཔྱིས་ཕྱིན་པ་གནང་བའི་སློབ་གཉེར་བ་ཁག་གཅིག་ལ་ཕར་ཕྱིར་རབ་འབྱམས་པའི་ཕྱག་འཁྱེར་གནང་བ་དང་། …

Leave a Reply

Your email address will not be published.

Show Buttons
Hide Buttons