རྗེས། སྔོན།
རྗེས། སྔོན།
ཕྱི་ལོ་༢༠༢༡ ཟླ་༦ ཚེས་༢༨ ཉིན་དབུ་བཟུང་སྟེ་བདུན་ཕྲ་གཉིས་ལྷག་ཙམ་གྱི་རིང་། འཕགས་ཡུལ་ཁམས་སྒར་འབྲུག་མཐོ་སློབ་དྷརྨ་ཀཱ་རས་གོ་སྒྲིག་འོག་ལོ་ཕྱེད་རྒྱུགས་སྤྲོད་ཀྱི་རང་སྦྱོང་དུས་ཚོད་དང་བསྟུན། མཁན་པོ་བསྟན་འཛིན་སྟོབས་རྒྱལ་མཆོག་གིས་འདི་ག་གཙུག་ལག་སློབ་གཉེར་ཁང་དུ། དཔལ་བཞད་པ་རྡོ་རྗེ་ཉིད་བསམ་བཞིན་དུ་སླར་ཡང་གངས་རིའི་ཁྲོད་དུ་སྒྲུབ་བསྟན་སྤེལ་ཕྱིར་བྱོན་པ་དཔལ་རྒྱལ་བ་རྒོད་ཚང་པ་མགོན་པོ་རྡོ་རྗེའི་བཀའ་འབུམ་ཆ་ཚང་དང་། འདུལ་བ་རྒྱ་མཚོའི་མངའ་བདག་ཀུན་མཁྱེན་མཚོ་སྣ་བ་ཤེས་རབ་བཟང་པོའི་འདུལ་ཊིཀ་མཚོ་ཆེན་བཅས་ཀྱི་ལྗགས་ལུང་གནང་ཡོད། འོན་ཀྱང་ཏོག་དབྱིབས་ནད་ཡམས་ཀྱིས་སྤྱི་སྒེར་ཚང་མར་དཀའ་ངལ་རབས་དང་རིམ་པ་ཞིག་བཟོ་བཞིན་ཡོད་པ་བཞིན། ད་དུང་ཉེན་ཁ་ཡོད་མུས་སུ་སོང་བས་ནད་ཡམས་སྔོན་འགོག་དང་འབྲེལ་ནས། ད་ཐེངས་ཀྱི་ལྗགས་ལུང་འདི་ཉིད་བཤད་གྲྭའི་ལྕགས་རི་ནང་དུ་བཞུགས་པའི་དགེ་སློབ་རྣམས་ཁ་གཙང་གི་ཆེད་དུ་གོ་སྒྲིག་ཞུས་པ་ཞིག་ཆགས་ཡོད།། ༢༠༢༡།༧།༡༣།

Check Also

ཀུན་མཁྱེན་པདྨ་དཀར་པོའི་འདས་མཆོད།

ཧོར་ཟླ་བདུན་པའི་ཚེས་བཅོ་ལྔ་ལ་ཀུན་མཁྱེན་རྫོགས་པའི་སངས་རྒྱས་མི་ཕམ་པད་མ་དཀར་པོ་དགོངས་པ་ཆོས་དབྱིངས་སུ་མཉམ་པར་བཞག་པའི་རྗེས་དྲན་གྱི་ཚུལ་དུ། དེ་རིང་ཁམས་སྒར་འབྲུག་མཐོ་སློབ་དྷརྨ་ཀཱ་རའི་མཁན་སློབ་དང་། བཙུན་དགོན་དོན་བརྒྱུད་དགའ་ཚལ་གླིང་གི་མཁན་སློབ་མཉམ་བཞུགས་འོག་སྔ་དྲོའི་ཆར་གཞུང་ཆེན་ལྔའི་བགྲོ་གླེང་དང་། ཕྱི་དྲོའི་ཆར་དམ་བཅའ་ཆེན་མོ་ཚོགས་པའི་པར་བརྙན།

Leave a Reply

Your email address will not be published. Required fields are marked *

Show Buttons
Hide Buttons